पेरणोली येथे महाविद्यालयीन तरुणाची आत्महत्या
पेरणोली (ता. आजरा) येथे योगेश बाबुराव लोखंडे या सतरा वर्षीय महाविद्यालयीन तरुणाने राहत्या घरी गळफास घेऊन आत्महत्या केली.शनिवारी दुपारी ४:३० वाजण्याच्या सुमारास सदर प्रकार घडला .
याबाबत मिळालेली अधिक माहिती अशी की, योगेशसह त्याच्या घरची मंडळी मळणीनिमित्त शेतावर गेली होती. त्याला पिण्यासाठी घरातून पाणी आणण्यासाठी शेतातून पाठवले होते.दरम्यान हीच संधी साधून योगेशने राहत्या घरी गळफास घेतला. त्याच्या पश्चात दोन बहिणी,भाऊ, आई,वडील असा परिवार असून तो आजरा येथील महाविद्यालयात अकरावीच्या वर्गात शिकत होता.
सामान्य कुटुंबातील योगेशने आत्महत्या केल्यानंतर पेरणोली पंचक्रोशीत हळहळ व्यक्त होत आहे. आत्महत्येचे नेमके कारण समजू शकले नाही. आजरा पोलीस पुढील तपास करीत आहेत.
