तोडणी ठेकेदारांकडून 8 लाख 60 हजार रुपयांची फसवणूक…
आजरा पोलिसात दोन ठेकेदाराविरोधात गुन्हा नोंद
ऊस तोडणी यंत्रणा उपलब्ध करून देतो असे सांगून आजरा येथील विजयकुमार लक्ष्मण पाटील व विलास अण्णासो नाईक यांची आठ लाख 60 हजार रुपयांची फसवणूक केल्या बद्दल विजयकुमार पाटील यांनी दिलेल्या फिर्यादीवरून भोलाराम रामेश्वर चव्हाण ( रा. चिखलदरा, पोस्ट गिरडा ता. मंगरूळपिर जिल्हा वाशिम ) व भारत हिरा राठोड (रा. मिलडोंगर, ता. मानोरा जिल्हा वाशिम) या दोघांविरोधात आजरा पोलिसात गुन्हा नोंद करण्यात आला आहे.
याबाबत पोलिसांनी दिलेली माहिती अशी की 2 ऑगस्ट 2021 रोजी आजरा येथे पाटील व नाईक यांनी चव्हाण व राठोड या तोडणी यंत्रणा ठेकेदारांना तोडणीसाठी रोख रक्कम रुपये पन्नास हजार व त्यानंतर टप्प्याटप्प्याने असे आठ लाख साठ हजार रुपये पुरविले. वेळोवेळी या संदर्भात विचारणा केली असता ऊस तोडणी कामगार देतो असे सांगून त्यांनी सदर पैसे न देता संबंधित फिर्यादी यांची फसवणूक केली आहे दोघांविरोधात पाटील यांनी दिलेल्या फिर्यादीवरून आजरा पोलिसात दोघांविरोधात गुन्हा नोंद करण्यात आला आहे.
