गच्चीवरून पडून सेवानिवृत्त अधिकाऱ्याचा मृत्यू
आजरा येथील पाटबंधारे विभागातील सेवानिवृत्त अधिकारी शिवाजी खंडू पाडेकर ( वय 62, रा.सिद्धिविनायक कॉलनी,आजरा) यांचा रहात्या घरावरील गच्चीतून खाली पडुन मृत्यू झाला.रविवारी पहाटेच्या सुमारास सदर घटना घडली.
याबाबत पोलीस व पाडेकर कुटुंबियांकडून मिळालेली माहिती अशी की,आजरा तालुक्यातील झुलपेवाडी येथील पाडेकर कुटुंबीय गेली कांही वर्षे आजरा येथे वास्तव्यास आहेत.दोन वर्षांपूर्वी सेवानिवृत्त झालेल्या पाडेकर यांना शनिवारी रात्री अस्वस्थ वाटू लागल्याने ते गच्चीवर झोपण्यासाठी गेले होते.दरम्यान त्यांचा रात्री गच्चीवरून पडून मृत्यू झाला. पोलिसांनी पाडेकर हे मद्याच्या नशेत गच्चीवरून खाली पडले असण्याची शक्यता व्यक्त केली आहे.
याबाबतची फिर्याद प्रमोद केसरकर (रा. किणे )यांनी आजरा पोलिसात दिली असून पुढील तपास पोलीस करीत आहेत.
विजेच्या तारांना चिकटून माकडाचा मृत्यू
आजरा बसस्थानकानजीक असणाऱ्या विद्युत खांबावरील तारांना चिकटून विजेचा धक्का बसून माकडाचा मृत्यू झाला. सायंकाळी 7 वाजण्याच्या सुमारास घडलेल्या या घटनेनंतर कांही काळ विजपुरवठा खंडीत झाला होता.
