लातूरच्या ट्रक ड्रायव्हरचे पंधरा हजार रुपये व मोबाईल अज्ञाताकडून लंपास …?
लातूर येथील अशोक पोपट पोवार या कंटेनर चालकाचे पंधरा हजार रुपये व मोबाईल अज्ञात सहाजणांनी लंपास केल्याची घटना सिंधुदुर्ग येथील हुमरमळा येथील इंडियन ऑइल पेट्रोलपंप येथे घडली असून एक मोबाईल आणि 15,000 (पंधरा हजार रुपये) लुटले असल्याचे ट्रकचालक सांगत आहे. बोलेरो गाडीतून आलेल्या ६ जणांनी सदर कृत्य केल्याचेही पोवार यांनी पोलिसाना सांगितले .तर यावेळी संबंधितांनी आपणाला मारहाण केल्याचे पोवार याचे म्हणणे आहे. याबाबतची नोंद सिंधुदुर्गनगरी पोलिसात झाली असून सदर प्रकारात तथ्य आहे की बनाव आहे याबाबतची सत्यता पोलिस तपासत आहेत.
ट्रक चोरीला गेल्याची चर्चाच ..
या प्रकरणात चोरट्यांनी ट्रक लंपास केल्याची चर्चा होती. प्रत्यक्षात मात्र दुपारपासून ट्रकचे फोटो व्हायरल झाल्याने ट्रक चोरी झाली नसल्याचे स्पष्ट झाले.याबाबत पोलिसांनी ट्रकसह छायाचित्र व्हायरल केले असल्याने यावर पडदा पडला आहे.
