खेडे येथील अविवाहित तरुणाची आत्महत्या
आजरा : मृत्युंजय महान्यूज वृत्तसेवा
खेडे ता. आजरा येथील अरुण प्रकाश कांबळे या तीस वर्षीय अविवाहित तरुणाने गळफास घेऊन आत्महत्या केल्याची घटना घडली आहे. विवाह जमत नसल्याने सदर प्रकार घडल्याचे प्राथमिक तपासात पुढे आले आहे.
आजरा येथील एका हॉटेलमध्ये काम करणारा सदर तरुण गावात कुठेही न आढळल्याने नातेवाईकांनी त्याचा शोध घेतला असता गावातील घरामध्ये गळफास घेतलेल्या स्थितीत त्याचा मृतदेह आढळला.
आजरा पोलिसांत या घटनेची नोंद झाली आहे. होळी कालावधीत त्याने सदर गळफास घेतला असल्याची चर्चा आहे.
